It's the end of an era for KathNiel!
Matapos ang ilang linggong espekulasyon, kapwa tinuldukan na nina Kathryn Bernardo at Daniel Padilla ang tunay na estado ng kanilang relasyon.
Kinumpirma ng dalawa na hiwalay na sila.
Nitong gabi ng November 30, 2023, halos magkasunod na nag-post sa Instagram sina Kathryn at Daniel para ipaalam sa publiko na nagwakas na ang labing-isang taon nilang pagiging magkasintahan.
Sa kanilang statement, kapwa nila pinasalamatan ang isa't isa dahil sa ilang taon nilang pagsasama hindi lang bilang magnobyo't magnobya kundi bilang magka-love team, ang KathNiel.
Bahagi ng pahayag ni Kathryn, "I'm well aware of the rumors and speculations going around, and as hard as it is to put everything into words, I want you to hear it straight from me; It's true that Deej and I have decided to part ways.
"Like any relationship, we tried our best to make it work. We've been drifting apart for a while now, and we ultimately had to accept that we can't go back to were we used to be.
"It just won't be fair to pretend that everything is still the same."
May mensahe rin si Kathryn sa fans nila ni Daniel.
Aniya, batid niya na nasasaktan ngayon ang KathNiels gaya ng nararamdaman nila ngayon ni Daniel.
Pakiusap niya, sana maintindihan sila ng mga ito at samahan sila sa bagong yugto na tatahakin nila na magkahiwalay.
Read: Kathryn Bernardo confirms breakup with Daniel Padilla
Sa statement naman na inilabas ni Daniel, sinabi niyang hindi mawawala ang pagmamahal niya kay Kathryn sa kabila ng kanilang hiwalayan.
Hindi nagbigay ng dahilan si Daniel kung bakit sila nag-break ni Kathryn.
Pero aniya, nagwakas man ang relasyon nila ni Kathryn, ang pagmamahal niya rito ay hindi matatapos.
Ang makatang pahayag ni Daniel: "Pagibig.
"Sa mundo, buhay at sa limitadong oras na tayo ay nandito,
"Isang malaking biyaya ang pagmamahal.
"Ang mahalin ka. At mahalin mo.
"Ang mga alaala natin ay laging kong baon sa aking puso at magiging liwanag sa mga madidilim kong araw.
"Thank you for dancing with me during my highs and thank you for singing with me during my lows
"Our lives may drift away, but our love will still ride that tide."
Read: Daniel Padilla on breakup with Kathryn Bernardo: "Ang pagmamahal ko sayo ay walang hanggan."
fellow CELEBRITIES REACT
Bukod sa KathNiel fans at ordinaryong netizens, lubos din ngayong nalulungkot ang kapwa celebrities nina Kathryn at Daniel dahil sa kanilang hiwalayan.
Read: Andrea Brillantes kinuyog ng bashers matapos makumpirma ang KathNiel breakup
Sa Instagram post ni Kathryn ay bumuhos ang kaliwa't kanang mensahe ng ilang stars na malalapit sa kanila.
Mensahe ni Anne Curtis, "Sending you a big hug Kath [white hear emoji]."
Sabi ni Denise Laurel (published as is), "My forever princess now Queen.. we don’t see each other but know i love u n I’m always here no showbiz proud of the woman and artist you have become cheering always."
Saad ni Angelica Panganiban, "Mahigpit na mahigpit na yakap kath."
Komento naman ni Francine Diaz, "Sending you lots of hugs, ate kath."
Dagdag naman ni Ruffa Gutierrez, "I'm crying right now. I love you both."
Nagpaabot din ng pagdamay kay Kathryn ang ilang malalapit nilang kaibigan ni Daniel.
Ani Joshua Garcia, "Yakap [heart emoji]."
Mensahe nina Sofia Andres, Miles Ocampo, Chie Filomeno, at Alora Sasam, "I love you."
Ilan pa sa Kapamilya stars ang nagpaabot ng mensahe ay sina Ivana Alawi, Maymay Entrata, Sue Ramirez, Sarah Lahbati, Alex Gonzaga, Edward Barber, Bela Padilla, Melai Cantiveros, Darren, AC Bonifacio, Bianca Gonzales, Marco Gumabao, Vina Morales, Jolina Magdangal, Bianca de Vera, Isabelle Daza, John Prats, Riva, Iza Calzado, Vickie Rushton, KZ Tandingan, Moira dela Torre, at Jona.
Maging Kapuso stars na sina Kyline Alcantara, Mavy Legaspi, Carmina Villarroel, Cassy Legaspi, Camille Prats, Rita Daniela, Michelle Vito, at Ina Feleo.
Hindi rin napigilan nina Vice Ganda, Robi Domingo, John Lapus, Jayda Avanzado, Sanya Lopez, at Sofia Pablo na mag-tweet sa X (dating Twitter) para ihayag ang kanilang kalungkutan.
Read: PEP OUTTAKES: Why we're all affected by KathNiel breakup